پاکستان

اللہ نیوٹرل رہنے کی اجازت نہیں دیتا،عمران خان

پشاور (این این آئی)سابق وزیراعظم و چیئرمین پاکستان تحریک انصاف عمران خان نے کہا ہے کہ احتجاج کی اجازت کیلئے سپریم کورٹ میں درخواست دائر کر دی ہے،سپریم کورٹ کا فیصلہ آنے کے بعد ہی اعلان کروں گا اور پھر ہم نکلیں گے،طاقتور خود کو قانون سے بالا تر سمجھتا ہے،

امپورٹڈ حکومت کیخلاف جدوجہد کو سیاست نہیں جہاد سمجھیں،اللہ نیوٹرل رہنے کی اجازت نہیں دیتا، 30 سال سے جرم کرنیوالے آج اوپر آ کر بیٹھ گئے، چوروں کیساتھ کبھی نہ کبھی جنگ لڑنی پڑے گی،شہباز شریف، راناثنا نے ماڈل ٹاؤن میں 14 لوگوں کوقتل کیا، ڈرپوک شخص کوئی بڑا کام نہیں کر سکتا، ہم ان لوگوں کو شکست دیں گے تو پاکستان اوپر چلا جائے گا۔عمران خان نے سوشل میڈیا کانفرنس سے خطاب کرتے ہوئے کہا کہ ملک کے لیے فیصلہ کن وقت ہے اور انصاف کی جنگ ہے، اس جدوجہد کوسیاست نہیں،جہاد سمجھیں، حکومت کوشش کررہی ہے لوگوں کو ڈرائے دھمکائے، لوگوں پر گولیاں برسانے کا مقصد خوف پھیلانا تھا، جو شیلز دہشت گردوں پر استعمال کیے جاتے ہیں، وہی مارچ میں استعمال ہوئے۔عمران خان نے کہا کہ 30 سال سے جرم کرنے والے آج اوپر آکر بیٹھ گئے ہیں، شہباز شریف،رانا ثناء اللہ نے دن دیہاڑے 14لوگوں کا قتل کیا، ماڈل ٹاؤن میں 14قتل ہوئے ان لوگوں کو اس وقت جیل میں ہونا چاہیے، لٹیروں اور قاتلوں کو شکست دے دی تو پاکستان اوپر چلا جائے گا۔چیئرمین تحریک انصاف نے کہاکہ سپریم کورٹ میں ہم نے درخواست دائر کردی ہے، سپریم کورٹ سے تحفظ چاہتے ہیں کہ کیا ہمیں پرامن احتجاج کا حق حاصل ہے اور کیا عدلیہ ان مجرموں کو خواتین اور بچوں پر تشدد کی اجازت دے سکتی ہے، سپریم کورٹ کا فیصلہ آنے کے بعد ہی اعلان کروں گا اور پھر ہم نکلیں گے، عدالتیں کمزور کو تحفظ دینے کیلئے بنتی ہیں، اس بار ہم تیاری کرکے جائیں گے اور پچھلی غلطیاں نہیں دہرائیں گے۔عمران خان نے کہا کہ سب سے بزدل ظالم ہوتا ہے، طاقتور بڑے نہیں چھوٹے چور پکڑتے ہیں، عدالتیں کمزوروں کو طاقتور کرنے کے لیے بنتی ہیں، اللہ کسی کو اجازت نہیں دیتا کہ وہ کہے کہ میں نیوٹرل ہوں۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button