پاکستان

پولیس سٹیشن میں لیڈی ڈاکٹر پر تشددکا واقعہ ایس ایچ او کوکڑی سزا سنا دی گئی

بہاولنگر (این این آئی)بہاولنگر پولیس نے پولیس اسٹیشن میں ایس ایچ او کے سامنے لیڈی ڈاکٹر پر ہونے والے تشدد کے واقعے پر ایس ایچ او کو عہدے سے ہٹا دیا ہے۔پنجاب پولیس نے اپنے آفیشل اکائونٹ پر سلسلہ وار ٹوئٹس کیے ہیں جس میں کہا گیا ہے کہ ایس ایچ او کو عہدے سے

ہٹا کرکارروائی کے لیے انکوائری کی جارہی ہے۔پنجاب پولیس کا کہنا ہے کہ یہ واقعہ خاتون لیڈی ڈاکٹر اور ان کے شوہر کے مابین لڑائی جھگڑے کا معاملہ تھا جس پر دونوں فریقین کو پولیس نے بات چیت کے لیے بلایا تھا۔پولیس نے کہا کہ شوہر خود نہ آیا تاہم اس کے کزن عدیل نے تلخ کلامی پر لیڈی ڈاکٹر پر تشدد شروع کردیا۔پولیس نے عدیل پر مقدمہ درج کر کے اسے فوری گرفتار کرلیا ہے، جو جیل جاچکا ہے۔خیال رہے کہ پنجاب کے ضلع بہاولنگر کے علاقے ہارون آباد کے ایس ایچ او کے آفس میں ایک شخص نے مریم حسین نامی لیڈی ڈاکٹر کو تشدد کا نشانہ بنایا تھا جس کی ویڈیو سوشل میڈیا پر وائرل ہو رہی ہے۔دوسری جانب تشدد کا شکار ہونے والی لیڈی ڈاکٹر مریم حسین کا ویڈیو پیغام بھی سامنے ہے جس میں متاثرہ خاتون کا کہنا ہے کہ میرے شوہر کے ساتھ نجی معاملات کی وجہ سے ان کے کہنے پر مجھے 24 جون کو ہارون آباد پولیس اسٹیشن میں تشدد کا نشانہ بنایا گیا۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button