پاکستان

بھارت کی آبی غنڈہ گردی ، پنجاب کی سب سے بڑی نہرکا پانی روک لیا

نارنگ منڈی (این این آئی)بھارت نے پنجاب کی سب سے بڑی نہر مرالہ راوی لنک کا پانی روک لیا ،تین ماہ گزر جانے کے باوجود نہری پانی نہ ملنے پر لاہور ،شیخوپورہ ،نارووال ،سیالکوٹ ،بہاولپور اور بہاول نگر کے لاکھوں ایکٹر رقبہ پر دھان کی فصل کاشت نہ ہو سکی ۔

ذرائع کے مطابق بھارت نے سندھ طاس معاہدے کی خلاف ورذی کرتے ہوئے 540میگا واٹ بجلی کی پیداوار کیلئے پراجیکٹ کو مذکورہ نہری پانی فراہم کر رہا ہے ۔مرالہ راوی لنک میں ہر سال 14اپریل کو پانی رواں ہو جاتا تھا تاہم اب کئی ماہ کی تاخیر کے باوجود زمیندار طبقہ انتہائی پریشان ہے جبکہ ڈیزل کی قیمتیں کئی گنا بڑھ جانے سے زمیندار ہاتھ پر ہاتھ رکھے بیٹھے ہیں ۔مذکورہ نہر کے پانی کی اشد ضرورت کا اندازہ اس امر سے لگایا جا سکتا ہے کہ صرف ضلع سیالکوٹ کا ایک لاکھ اڑتالیس ہزار رقبہ اس نہر کے پانی سے سیراب کیا جاتا ہے اور بہاولپور اوربہاول نگر تک نہری پانی جو راوی اور ستلج کے ذریعے پہنچتا ہے کئی ماہ سے چاول کی کاشت کیلئے پریشان ہیں مزید تاخیر سے سیزن بھر کی کمائی سے ہزاروں زمینداروں کا معاشی قتل ہو گا ۔مذکورہ اضلاع کے زمینداروںنے حکومت سے اس معاملے پر توجہ دینے کی اپیل کی ہے ۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button