پاکستان

میں اپنے اداروں کے خلاف جنگ کرنے نہیں نکلا، عمران خان

اسلام آباد (مانیٹرنگ ڈیسک) تحریک انصاف کے چیئرمین عمران خان نے پریڈ گراؤنڈ میں جلسہ عام سے خطاب کرتے ہوئے کہا کہ میں اپنے اداروں کیخلاف جنگ کرنے نہیں نکلا، ان کا کہنا تھا کہ ملک بھر میں قوم باہر نکلی ہوئی ہے اور اداروں کو پیغام دے رہی ہے ابھی بھی وقت ہے

اس ملک کو چوروں سے بچا لو، کہیں ہمارے ہاتھ سے گیم نہ نکل جائے۔ان کا کہنا تھا کہ اسلام آباد اور راولپنڈی کی تاریخ میں عوام کا ایسا سمندر کبھی نہیں دیکھا، مجھے پتہ تھا لوگوں میں اپنی پولیس اور رینجرز کیخلاف غصہ تھا، مجھے پتہ تھا اس دن شام کو بھی یوں ہی عوام کا سمندر آنا تھا، عورتوں اور بچوں پر جس طرح ظلم ہو امعلوم تھا انتشار پھیلے گا، میں نے فیصلہ کیا قوم بھی میری ہے اور پولیس و رینجرز بھی میری ہے، میں انتشار نہیں پھیلانا چاہتا تھا۔انہوں نے کہا کہ میں ملکی اداروں کے خلاف جنگ کرنے یا نقصان کرانے نہیں نکلا تھا، عمران خان نے اپنے خطاب کے دوران کہا کہ میرے بیرون ملک محلات، جائیدادیں یا کاروبار نہیں ہے، آج میرا مرنا جینا پاکستان میں ہے، کبھی نہیں سوچا کہ باہر کا پاسپورٹ لے لوں، پاکستان کے علاوہ کہیں اور رہنے کا سوچا بھی نہیں۔اس سے قبل عوامی مسلم لیگ کے قائد شیخ رشید نے پریڈ گراؤنڈ میں جلسے سے خطاب کرتے ہوئے کہا کہ آج عمران خان سارے گھروں میں گھس گیا ہے، جس طرح پاک فوج ملک کی آواز ہے اسی طرح عمران خان سارے ملک کی آواز ہے، اس موقع پر انہوں نے کہا کہ پاکستان کے تمام حساس اداروں، تمام مقتدر حلقوں اور اسٹیبلشمنٹ سے کہتا ہوں کہ پاکستان کی بہتری اسی میں ہے کہ جلد انتخاب کا اعلان کیا جائے۔ دوسری جانب تحریک انصاف خیبرپختونخوا کے صدر اور سابق وفاقی وزیردفاع پرویز خٹک نے کہا ہے کہ

ملک بدترین سیاسی و معاشی بحران سے دوچار ہے۔امپورٹڈ حکمرانوں نے عوام سے دو وقت کی روٹی بھی چھین لی ہے۔مہنگائی بلندترین سطح پر پہنچ گئی ہے۔بجلی کی لوڈشیڈنگ سے عوام اجاز آچکے ہیں۔حکمرانوں نے اپنے قتدار کے لیے پاکستان کی ساکھ کو ناقابل تلافی نقصان پہنچارہے ہیں۔نواز،زرداری اور مولانا قوم کے مجرم ہیں۔تحریک انصاف ملک اور قوم کے بقاء کی جنگ لڑرہی ہے۔عمران خان قوم کی آخری امید ہیں۔عوام نے ان کی آواز

پر لبیک کہہ دیا ہے۔آئندہ کی حکومت تحریک انصاف کی ہوگئی۔ ہر سازش ناکام بنائیں گئے۔ان خیالات کا اظہار انہوں نے نوشہرہ سے آسلام اباد پریڈ گراونڈ جلسہ روانگی سے قبل کارکنان سے خطاب کرتے ہوئے کیا۔اس موقعہ پر سابق رکن قومی اسمبلی ڈاکٹر عمران خٹک،صوبائی وزیر ایکسائز خلیل الرحمن اور میئر نوشہرہ اسحاق خٹک نے بھی کارکنان سے خطاب کیا۔تحریک انصاف خیبرپختونخوا کے صدر اور سابق وفاقی وزیردفاع پرویز خٹک نے کہا ہے کہ تین ماہ میں جتنی مہنگائی ہوئی وہ ہمارے پورے دور اقتدار میں نہیں ہوئی۔مہنگائی اسمان سے باتین کررہی ہے۔عوام کا جینا محال ہوچکاہے۔حکومت ہر محاز پر ناکام ہوچکی ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button