پاکستان

چودھری شجاعت سے اہم حکومتی اتحادی کی ملاقات ، اندرونی کہانی سامنے آ گئی

لاہور(آن لائن) مسلم لیگ ق کے صدرچودھری شجاعت حسین اور سابق صدرآصف علی زرداری نے گالم گلوچ اورالزامات کی سیاست کو ختم کرنے کا عزم کیا ہے، چودھری شجاعت نے کہا کہ میرے بیٹے پر بے بنیاد سنگین الزامات لگائے گئے، آصف زرداری نے کہا کہ

پ بہت قابل احترام ہیں، ہمارا تعلق عشروں پر محیط ہے۔ سما ذرائع کے مطابق پاکستان مسلم لیگ ق کے صدر چودھری شجاعت حسین نے سابق صدرآصف زرداری سے لاہور میں ملاقات کی۔ملاقات میں وفاقی وزیرسالک حسین، شافع حسین اور وفاقی وزیرطارق بشیرچیمہ بھی تھے۔ چودھری شجاعت نے آصف زرداری سے ان کی والدہ کے انتقال پر تعزیت کی۔ ملاقات میں سیاسی صورتحال پر بھی گفتگو کی گئی۔ ملاقات کی اندرونی کہانی کے مطابق سربراہ ق لیگ چودھری شجاعت حسین نے اپنے دکھ کا اظہار کرتے ہوئے کہا کہ میرے بیٹے پر پیسے لینے کے بے بنیاد سنگین الزامات لگائے گئے، میں نے اپنے بچوں کی ایسی تربیت نہیں کی۔انہوں نے کہا کہ ہمیشہ ملک وقوم کی مضبوطی اور بقاء کی سیاست کی۔ جس پر سابق صدرآصف زرداری نے چودھری شجاعت کو بے بنیاد الزامات پر تسلی دی اور کہا کہ آپ بہت قابل احترام شخصیت ہیں، ہمارا آپ سے تعلق عشروں پر محیط ہے۔ انہوں نے کہا کہ آپ پریشان نہیں ہوں سیاست میں الزامات لگتے رہتے ہیں، ہم پہلے کی طرح عوام کی خدمت کا سفر آگے بھی جاری رکھیں گے۔چودھری شجاعت اور آصف زرداری نے ملک میں گالم گلوچ اورالزامات کی سیاست کو ختم کرنے کا عزم کیا۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button