شوہر کی دوسری شادی پر بیوی نے اپنے شیر خوار بچوں کو بالکونی سے پھینک دیا

قاہرہ(این این آئی)مصر میں خاتون نے شوہر کی دوسری شادی پر اپنے دونوں بچے بالکونی سے پھینک دیئے جس کے نتیجے میں بچوں کی موت واقع ہوگئی۔عرب میڈیا کے مطابق مصر کے ایک گائوں کی رہائشی عمارت کی تیسری منزل پر مقیم ایک خاتون نے

اپنے ڈیڑھ ماہ اور دو سال کے بچوں کو بالکونی سے پھینک دیا،اہل محلہ بچوں کو اسپتال لے کر گئے تاہم زیادہ خون بہہ جانے کے باعث ان کی موت واقع ہوگئی۔پولیس کے مطابق خاتون جب حاملہ تھیں تو ان کے شوہر نے دوسری شادی کرلی تھی اور خرچہ نہیں دیتے تھے، کسمپرسی میں دوسرے بچے کی ولادت ہوئی لیکن بچوں کو کھلانے کے لیے بھی کچھ نہں تھا جس پر خاتون نے یہ انتہائی اقدام اٹھایا۔اہل محلہ کے مطابق خاتون نے خود بھی بالکونی سے چھلانگ لگاکر خودکشی کی کوشش کی تاہم انھیں روک لیا گیا۔ پولیس نے خاتون کو حراست میں لے لیا ہے۔ خاتون کا نام نیفین عبداللہ ہے اور ان کی عمر محض 20 سال ہے۔عدالت نے ملزمہ کے مکمل جسمانی اور ذہنی معائنے کا حکم دیا ہے اور تب تک خاتون کو دارالامان میں رکھا جائے گا۔