پاکستان

پیٹرول کا درآمدی بل کم کرنے کیلئے حکومت کا کورونا لاک ڈاؤن جیسے اقدامات پر غور

اسلام آباد(این این آئی)پیٹرول کا درآمدی بل کم کرنے کیلئے حکومت کا کورونا لاک ڈاؤن جیسے اقدامات پر غور شروع کر دیا گیا۔

تفصیلات کے مطابق رواں مالی سال کے 10 ماہ میں پیٹرولیم مصنوعات کا درآمدی بل 17 ارب ڈالر تک پہنچ چکا ہے ۔

غیر معمولی صورت حال حکومت سے فوری طور پر غیر معمولی اقدامات کا تقاضا کر رہی ہے کہ زرمبادلہ کے ذخائرکی بچت کیسے کی جائے اور ملک و قوم کو معاشی مشکلات سے کیسے نکالا جائے؟

سرکاری ذرائع کے مطابق کئی تجاویز زیر غور ہیں، جن میں کورونا کے دنوں میں لاک ڈاؤن جیسے اقدامات، ہفتے کو سرکاری دفاتر میں چھٹی، 3 دن ورک فرام ہوم اور اتوار کو شہروں میں کاروں کے داخلے پر پابندی کی تجاویز شامل ہیں۔

ان تجاویز پر عمل سے یومیہ 20 فیصد تک توانائی کی بچت کا امکان ہے،کورونا کے دنوں میں یومیہ چار سے ساڑھے چار ہزار میگاواٹ تک بجلی کی بچت ہوتی رہی ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button