پاکستان

وزیر خزانہ نے ڈالر کو 200سے نیچے لانے کا اعلان کر دیا

اسلام آباد (مانیٹرنگ ڈیسک)اسحاق ڈار نے ڈالر کو 200سے نیچے لانے کا اعلان کر دیا ۔ تفصیلات کے مطابق وزیرخزانہ اسحاق ڈار کا کہنا ہے کہ سیاسی عدم استحکام کی وجہ سے ڈالر240 روپے تک گیا ورنہ ڈالرکی قدر200سے اوپر نہیں ہے

۔نجی ٹی وی سماء کے پروگرام ندیم ملک لائیو میں گفتگو کرتے ہوئے اسحاق ڈار کا کہنا تھا کہ ہمیشہ سےڈی ویلیوایشن کیخلاف رہاہوں،،ڈالر جلد 200 روپے سے نیچے آئے گا۔وزیرخزانہ کا کہنا تھا کہ پاکستان واپسی کیلئے جہاز میں بیٹھا تو ڈالر نیچے آنا شروع ہوگیا تھا جکہ گزشتہ پیرسےاب تک ڈالر18روپے نیچےآچکا۔انہوں نے مزید کہا کہ 10 دن میں ڈالر کا گیپ ایک روپے پر آگیا ہے، 24 دن میں ڈالر 24 روپے کم ہوسکتا ہے۔اسحاق ڈار کا کہنا تھا کہ ایکسچینج ریٹ کوفری فلوٹ پرہوناچاہیے مگر سسٹم کوفری فلوٹ نہیں چھوڑ سکتے،ایکشن لیں گے، ایکسچینج ریٹ کومانیٹرکرنےکی ذمہ داری اسٹیٹ بینک کی ہے۔انہوں نے کہا کہ اکتوبرمیں پٹرول پر5روپےلیوی لگنی تھی، مہنگائی کی شرح12سے14فیصد تک لیکرآئیں گے۔ آئی ایم ایف کا پروگرام جون تک ہے، آئی ایم ایف کی شرائط اورپروگرام مکمل کریں گے۔وزیرخزانہ نے کہا کہ پچھلی حکومت کے کیے گئے اقدامات ہم پرڈال دیے گئے، پیرس کلب کےقرضےری شیڈول کروانا ترجیح نہیں، قرضے ری شیڈولنگ ہمارا آخری آپشن ہوگا۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button