کنگ سلمان ریلیف سینٹر نے سیلاب متاثرین کے لیے دوسری ہنگامی امدادی کھیپ این ڈی ایم اے کے حوالے کر دی

اسلام آباد(این این آئی)کنگ سلمان ہیومینٹیرین ایڈ اینڈ ریلیف سینٹر نے حالیہ سیلاب سے متاثرہ افراد کی غذائی ضروریات کو پورا کرنے کے لیے

دوسری ہنگامی امداد سے لدے (190 ٹن) ضروری اشیائے خوردونوش کے 20 ٹرک این ڈی ایم اے کے حوالے کر دئیے۔2000 فوڈ پیکج بلوچستان اورعلاوہ دیگر شمالی علاقوں میں بھی سیلاب سے متاثرہ افراد میں تقسیم کیا جائیں گے، اس فوڈ پیکج میں تمام تر ضروری اشیائے خوردونوش شامل ہیں،ایک فوڈ پیکج کا مجموعی وزن 95 کلوگرام بنتا ہے جس میں (80 کلو آٹا، 5 لیٹر کوکنگ آئل، 5 کلو چینی، 5 کلو دال چنا) شامل ہیں جو نیشنل ڈیزاسٹر مینجمنٹ اتھارٹی (NDMA) اور مقامی حکومت کے تعاون سے سیلاب سے متاثرہ علاقوں میں تقسیم کیے جائیں گے۔ اس غذائی پیکج سے 14000 سے زائد افراد مستفید ہونگے۔حال ہی میں سینٹرنے NDMA کے تعاون سے بلوچستان کے 6 اضلاع (لسبیلہ، خضدار، کوئٹہ، پشین، قلعہ سیف اللہ، قلعہ عبداللہ) میں مقیم سیلاب سے متاثرہ گھرانوں میں 3000 فوڈ پیکجز تقسیم کیے۔ جس سے 21000 سے زائد افراد مستفیدہوئے۔