پاکستان

غزہ پر ایک بار پھر اسرائیلی جارحیت ، 15فلسطینی شہید، 75زخمی

مقبوضہ غزہ (این این آئی)غزہ پر ایک بار پھر اسرائیلی جارحیت، جیٹ طیاروں کی بمباری سے فلسطینی کمانڈر اور 5 سال کی بچی سمیت 15 فلسطینی شہید اور 75 زخمی ہوگئے۔غیرملکی میڈیا کے مطابق اسلامک جہاد نے شدید ردعمل کا اظہار کرتے ہوئے اسرائیلی فضائی حملے

کو اعلان جنگ قرار دے دیا۔رپورٹس کے مطابق جوابی کارروائی میں اسرائیل پر 100 سے زائد راکٹ فائر کئے گئے ۔علاوہ ازیں گزشتہ روز غزہ کی پٹی پر اسرائیلی فوج نے ڈرون حملہ بھی کیا تھا، جس کے نتیجے میں 2 فلسطینی شہید جبکہ 19 زخمی ہوگئے تھے۔عرب میڈیا کے مطابق اسرائیلی ڈرون حملے میں تحریک جہاد اسلامی کے کمانڈر تیسیر الجعبری شہید ہوگئے تھے۔دوسری جانب فلسطین کے علاقے غزہ کی پٹی پر اسرائیلی فوج کی جارحیت کے خلاف مسلمان ممالک اور عالمی تحریکوں نے احتجاج کرتے ہوئے غزہ کی پٹی پر جاری اسرائیلی جارحیت کی شدید مذمت کی ہے۔میڈیارپورٹس کے مطابق قطرنے غزہ کی پٹی پراسرائیلی جارحیت کی سخت مذمت کی ہے۔ایک مختصر بیان میں قطری وزارت خارجہ نے بین الاقوامی برادری پر زور دیا کہ وہ شہریوں، خاص طور پر خواتین اور بچوں کے خلاف قابض فوج کے بار بار حملوں کو روکنے کے لیے فوری کارروائی کرے۔قطری وزارت خارجہ نے فلسطینی کاز کے انصاف، برادر فلسطینی عوام کے جائز حقوق اور 1967 کی سرحدوں پر مشرقی بیت المقدس کے دارالحکومت پرمبنی فلسطینی ریاست کے قیام کی حمایت کے موقف کا اعادہ کیا۔ایرانی وزارت خارجہ کے ترجمان ناصر کنعانی نے غزہ کی پٹی پر اسرائیلی جارحیت کو “وحشیانہ”قرار دیتے ہوئے فلسطینی مزاحمتی قوتوں کی حمایت کی ۔اردن کی سب سے بڑی مذہبی سیاسی جماعت اسلامک ایکشن فرنٹ نے غزہ کی پٹی پرجارحیت کی شدید مذمت کی ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button