تازہ ترینانٹرنیشنل خبریں

کورونا کے خوف سے ایک ہی خاندان کے تین افراد نے زہر پی لیا

نئی دہلی (ویب ڈیسک) بھارت میں عالمی وبا کورونا وائرس کے خوف سے ایک خاندان کے تین افراد نے زہر پی لیا جس کے نتیجے میں ماں اور بیٹے کی موت ہوگئی۔

مقامی اخبار روزنامہ جنگ کے مطابق پڑوسی ملک بھارت کی ریاست تامل ناڈو میں لکشمی نامی خاتون کے شوہر کی دسمبر میں موت واقع ہوگئی تھی، ابھی وہ اور اُن کا خاندان اسی صدمے میں تھا کہ خاتون سمیت اُن کے اہلخانہ کے دیگر افراد کا کورونا وائرس ٹیسٹ مثبت آگیا۔

بھارتی میڈیا کے مطابق لکشمی کی 23 سالہ بیٹی، اُس کے تین سالہ بیٹے سمیت دیگر افراد کا کورونا وائرس ٹیسٹ مثبت آیا۔کورونا وائرس کے خوف سے اس خاندان نے زہر پی لیا جس کے نتیجے میں خاتون اور اُس کا تین سالہ بیٹا ہلاک ہوگیا جبکہ گھر کے دیگر افراد بچ گئے۔
بھارتی میڈیا کے مطابق پولیس کو شبہ ہے کہ خاندان کو کورونا وائرس اور اس کے نتائج کا خدشہ تھا اس لیے انہوں نے اپنی زندگی ختم کرنے کا فیصلہ کیا۔ دوسری جانب محکمہ صحت کے حکام نے رہائشیوں پر زور دیا ہے کہ وہ خوفزدہ نہ ہوں اور طبی امداد حاصل کریں۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button