تازہ ترینکھیل

” وکٹ بنانے والا میرا رشتہ دار نہیں اور ۔۔“ امام الحق راولپنڈی ٹیسٹ میں پچ پر کی جانے والی تنقید پر ناراض ہو گئے

قومی ٹیم کے بیٹر امام الحق راولپنڈی ٹیسٹ میں پچ پر کی جانے والی تنقید پر ناراض ہو گئے ۔

ورچوئل پریس کانفرنس کرتے ہوئے امام الحق نے کہا کہ باہربیٹھ کربھی بہت کچھ سیکھنے کوملا اور ڈومیسٹک کھیل کرکم بیک کرنے میں آسانی ہوئی جب کہ آسٹریلیا کے خلاف ہوم گراو¿نڈ پرکم بیک کیا، کراچی ٹیسٹ میں بھی شاندارکھیل پیش کرنے کی کوشش کریں گے۔راولپنڈی ٹیسٹ میں پچ کے معاملے پر امام الحق کچھ ناراض دکھائی دیے اور انہوں نے کہا کہ کوئی بھی نہیں چاہتا ٹیسٹ ڈراہو،جب ہم آسٹریلیا جاتے ہیں تو وہ ہم سے پوچھ کروکٹ نہیں بناتے کیونکہ ہوم گراونڈ پراپنی صلاحیت کودیکھ کر وکٹ بناتے ہیں۔قومی کرکٹر کا کہنا تھا کہ کیوریٹر نے میری مرضی سے پنڈی سٹیڈیم کی وکٹ نہیں بنائی تھی اور وکٹ بنانے والا میرا رشتے دارنہیں، وکٹ گرین ہونیلی ہویا پیلی میرا کام پرفارم کرنا ہے۔

واضح رہے کہ راولپنڈی سٹیڈیم کی پچ پر کھلاڑیوں اور شائقین کرکٹ کی جانب سے تنقید کی گئی تھی جس پر گزشتہ روز چیئرمین پی سی بی رمیز راجہ نے بیان جاری کرتے ہوئے کہا تھا کہ تیز پچوں پر آسٹریلیا کے خلاف کھیلنا نہیں چاہتے، گھر میں کھیلیں تو اپنی طاقت کے حساب سے کھیلنا چاہیے۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button