پاکستاندلچسپ و عجیب

جسے اللہ رکھے اسے کون چکھے، نیشنل ہائی وے پر چلتی گاڑی سے چند ماہ کی بچی گر گئی، خراش تک نہ آئی

کراچی (این این آئی)نیشنل ہائی وے جوگی موڑ کے قریب بڑا معجزہ رونما ہوا، ایک تیز رفتار کوسٹر سے گرنے والی بچی کو خراش تک نہ آئی۔کہتے ہیں جسے اللہ رکھے اسے کون چکھے، کراچی نیشنل ہائی وے پر اس کے مصداق ایک حادثہ رونما ہوا، جوگی موڑ کےقریب تیز رفتار کوسٹر میں بیٹھی والدہ کو نیند آ گئی تو ان کی گود سے بچی کھڑکی سے سڑک پر گر گئی لیکن بالکل محفوظ رہی۔کینجھر جھیل سے پکنک منا کر واپس آنے والی فیملی سے چند ماہ کی بچی نیشنل ہائی وے پر گئی جسے معجزانہ طور پر خراش تک

نہ آئی، بچی کو سڑک پر گزرتے ایک پولیس اہل کار نے ریسکیو کیا۔پولیس اہل کار کو سڑک پر بچی پڑی ہوئی نظر آئی تو انھوں نے فوری طور پر اسے اٹھا کر قریبی اسپتال پہنچا دیا۔دوسری طرف کوسٹر میں بیٹھی والدہ کو بچی کے غائب ہونے کا احساس تب ہوا جب وہ قائد آباد کے قریب پہنچ چکی تھیں، انھوں نے دیکھا کہ بچی ان کی گود میں موجود نہیں ہے۔رپورٹ کے مطابق بچی کی فیملی شدید بد حواسی کے عالم میں واپس ان ہی راستوں پر پوچھتے ہوئے آئی تو انھیں معلوم ہوا کہ بچی کو سڑک سے اٹھا کر اسپتال لے جایا گیا تھا۔بعد ازاں، شاہ لطیف پولیس نے بچی کو والدین کے حوالے کر دیا، ہائی وے پرگرنے کے بعد بھی بچی کو خراش تک نہ آئی تھی، پولیس حکام کا کہنا تھا کہ والدین سفر کے دوران احتیاط کریں اور بچوں کی حفاظت کو یقینی بنایا کریں۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button