سوئم پر لوگ زیادہ جمع ہوجانے سے میت زندہ نہیں ہوجاتی ۔۔ عمران خان کے لیے لوگوں کے سڑکوں پر نکلنے کی وجہ سے عامر لیاقت کی شدید تنقید

پارلیمان سے تحریک عدم اعتماد کے ذریعے عمران خان کو وزارت عظمیٰ کے عہدے سے ہاتھ دھونا پڑے۔

وہیں عمران خان کی کال پر پاکستان تحریک انصاف کے چاہنے والے کارکنان پاکستان کے مختلف شہروں میں جمع ہوئے جہاں مختلف پوسٹرز اور ویڈیوز وائرل ہوئیں۔ اسی مظاہرے میں عامر لیاقت حسین کے خلاف بھی نعرہ بازی ہوئی جس کی ویڈیو شیئر کرتے ہوئے انہوں نے بھی اپنا موقف پیش کر دیا۔

سوشل میڈیا ویب سائٹ انسٹاگرام پر اسٹوری میں ویڈیو شیئرکرتے ہوئے عامر لیاقت حسین نے لکھا کہ سوئم پر زیادہ لوگ جمع ہوجانے سے میت زندہ نہیں ہوجاتی۔

علاوہ ازیں انہوں نے کل کے احتجاجی مظاہرے میں دیگر اسٹوریز بھی شئیر کی ہیں۔

ڈاکٹر عامر لیاقت حسین انسٹاگرام اور دیگر سوشل میڈیا اکاؤنٹس پر متحرک دکھائی دیتے ہیں جہاں وہ سیاسی منظرنامے کی تصاویر اور ویڈیوز اکثر اپ لوڈ کرتے دکھائی دیتے ہیں۔