پاکستان

علیم خان پی ٹی آئی اور عمران خان کو آنکھیں نہیں دکھا سکتے،مناظرے کا چیلنج

لاہور( این این آئی)پاکستان تحریک انصاف کے رہنما و سابق وزیر اطلاعات و جیل خانہ جات فیاض الحسن چوہان نے عبد العلیم خان کومناظرے کا چیلنج کرتے ہوئے کہا ہے کہ،علیم خان کو پی ٹی آئی میں رہتے ہوئے عزت ملی، ان کے خلاف نیب کی کاروائی 2017 سے (ن)لیگ کےدور سے شروع ہوئی۔پی ٹی آئی کے دفتر میں پریس کانفرنس کرتے ہوئے انہوں نے کہا کہ علیم خان نے 765 ایکڑز زمین عمار خان سے لی تھی،علیم خان نے گرین زمین 300 کنال خریدی اور اپنی سوسائٹی میں شامل کرلی،گرین زمین کو کمرشل نہیں کیا جاتا ہے۔ انہوں نے

الزام عائد کیا کہ پارک ویو سوسائتی غیر قانونی ہے اور ایل ڈی اے سے منظور شدہ نہیں۔ علیم خان نے شہریوں سے اربوں روپے گرین زمین کے پلاٹ فروخت کرکے کمائیں۔علیم خان کو ایل ڈی اے نے 2010 اور 2011 میں خط لکھے لیکن علیم خان نے عدالت سے حکم امتناعی حاصل کیا اور آج تک ان کی سوسائٹی حکم امتناعی پر ہے ،علیم خان نے اپنی سوسائٹی اپنے نام پر نہیں رکھی۔علیم خان نے گرین زمین کو برائون کروانے کیلئے ساڑھے تین سال کوشش کی اور ناکام ہوئے۔انہو نے کہا کہ بیرونی سازش جب شروع ہوئی تو علیم خان کو زیادتی یاد آ گئی۔علیم خان عمران خان اور پی ٹی آئی کو آنکھیں نہیں دکھا سکتے۔انہوں نے کہاکہ قیادت آئندہ الیکشن میں علیم خان کے مقابلے میں مجھے ٹکٹ دے ، میں چیلنج کرتا ہوں کہ میں جیتوں گا اور اگر ہار گیا تو میں سیاست کو خیر باد کہہ دوں گا۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button