پاکستان

امریکی شہریوں نے محبت کے نام پر ایک ارب ڈالر گنوا دیئے

امریکی شہریوں نے محبت کے ہاتھوں ایک ارب ڈالر کھو دیئے، سال 2021 میں رومانس اسکیمنگ ویب سائٹ پر 24 ہزار سے زائد امریکی شہری شکار بنے۔

غیر ملکی میڈیا کے مطابق ایف بی آئی کی جاری کردہ رپورٹ میں کہا گیا کہ گزشتہ برس ملاقات، رومانس اور ڈیٹنگ کی ویب سائٹ پر جعلی پروفائل بنا کر امریکی شہریوں کو بھرپور طریقے سے لوٹا گیا۔ سال 2021 میں رومانس اسکیمنگ ویب سائٹ پر 24 ہزار سے زائد امریکی شہری شکار بنے اور 2021 کا سال نوسرباز لٹیروں کے لیے ایک منافع بخش ذریعہ ثابت ہوا۔
دوسری جانب کئی جعلی فنکاروں نے اپنے مداحوں سے کرپٹو کرنسی کی مد میں بھی رقم ہتھیائی یعنی جعل سازی کی 25 فیصد رقم کرپٹو کرنسی کے ذریعے ادا کی گئی۔ اس طرح جن افراد نے کرپٹو کرنسی گنوائی انہوں نے اوسط 10 ہزار ڈالر کھوئے ہیں۔ اس کے علاوہ انٹرنیٹ فراڈیوں نے لوگوں کو جعلی اور بے نام کرپٹو کرنسی کا لالچ بھی دیا اور اس کے بدلے اصل رقم نکلوا لی اور انہیں جعلی محبت کے دھوکے بھی دیئے گئے۔

پیار و محبت کی ویب سائٹ اور ڈیٹنگ ایپس پر جعلی افراد کے ہاتھوں تقریبا تمام عمر کے افراد ہی متاثر ہوئے لیکن لٹنے والوں میں سب سے زیادہ نوجوان شامل ہیں جنہیں محبت یا جیون ساتھی کی تلاش تھی۔ ان میں 18 سے 29 برس کے افراد شامل ہیں یہاں تک کہ بعض افراد 70 برس کے بھی تھے جو پیار کے جھانسے میں گرفتار ہو کر رقم گنوا بیٹھے۔ تفتیش کاروں کے مطابق یہ رجحان لاک ڈان کے درمیان غیر معمولی طور پر بڑھا اور اسی عرصے میں دوستیوں اور ڈیٹنگ کی ویب سائٹ پروان چڑھیں اور یوں فراڈ کے نت نئے راستے کھلے۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button