پاکستان

آسٹریلیا میںکینگرو نے اپنے ہی مالک کی جان لے لی

کینبرا(این این آئی)آسٹریلیا میں ایک 77 سالہ شخص کو اسی کے پالے جنگلی کینگرو نے مار ڈالا۔غیر ملکی میڈیا رپورٹ کے مطابق آسٹریلوی پولیس کا کہنا تھاکہ یہ حملہ جنگلی کینگرو نے کیا ہے جسے ہلاک ہونے والے شخص نے اپنے گھر میں پال لیا تھا۔پولیس کا کہنا تھا کہ

ہلاک ہونے والے شخص کی شناخت نہیں ہوسکی، انہوں نے خدشہ ظاہر کیا ہے کہ مذکورہ شخص پر حملہ دن کے وقت ہوا تھا، ایک شہری نے اسے زخمی دیکھ کر ایمبولینس کو اطلاع دی لیکن اسپتال پہنچنے سے قبل ہی اس نے دم توڑ دیا۔پولیس نے بتایا کہ ریسکیو اہلکاروں کے مطابق جائے وقوعہ پر ایک کینگرو موجود تھا جو انہیں زخمی شخص تک پہچنے نہیں دے رہا تھا جس کے نتیجے میں اسے گولی مار کر ہلاک کرنا پڑا۔ریسکیو اہلکاروں کے مطابق یہ کینگرو جنگلی تھا اور ہلاک ہونے والے شخص کا پالتو تھا۔ مبینہ طور پر کینگرو نے ہی ہلاک ہونے والے شخص پر حملہ کرکے اس کا جبڑا توڑ دیا تھا جبکہ اس شخص کو اندرونی چوٹیں بھی آئیں تھی، جن کی تاب نہ لاتے ہوئے وہ دم توڑ گیا۔آسٹریلوی میڈیا کہ مطابق اس سے قبل 1936 میں کسی کینگرو نے انسان پر جان لیوا حملہ کیا تھا۔ اب 86 برسوں بعد یہ پہلا جان لیوا حملہ ہے جو کسی کینگرو کی جانب سے کسی شہری پر ہوا ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button