تازہ ترینصحت و زندگینیشنل خبریں

سندھ میں کورونا کا پھیلاؤ ، صوبائی حکومت نے سکولوں سے متعلق اہم فیصلہ کرلیا

سندھ میں کورونا کا پھیلاؤ تیزی سے جاری ہے ، صوبائی حکومت نے تعلیمی سرگرمیاں جاری رکھنے اور تمام تعلیمی ادارے کھلے رکھنے کا فیصلہ کیا ہے ۔

نجی ٹی وی دنیا نیوز کے مطابق وزیر اعلیٰ سندھ سید مراد علی شاہ کی زیر صدارت صوبائی ٹاسک فورس کا اجلاس ہوا ، اجلاس میں کورونا کے پھیلاؤ کی صورتحال اور تعلیمی اداروں سے متعلق معاملات زیرغور آئے ۔ اجلاس میں فیصلہ کیا گیا کہ ایس او پیز کے ساتھ تعلیمی سرگرمیاں جاری رہیں گی ۔

اجلاس میں تمام سرکاری و نجی ہسپتالوں کا سروے کرانے کا بھی فیصلہ کیا گیا۔ عوامی مقامات پرماسک پہننےکولازمی قرار دیا گیا ، شادی ہالز،مارکیوں میں بھی ماسک پہننالازمی قرار دیا گیا ۔شادی کی تقریبات میں کھاناباکس میں دینےکی ہدایت جبکہ مارکیٹوں میں ویکسی نیٹڈافرادکوداخل ہونےکی اجازت ہوگی۔
اجلاس میں سرکاری افسران سے متعلق بھی فیصلہ کیا گیا کہ جو سرکاری افسر ماسک نہیں پہنے گا اسے جرمانہ کیا جائے گا۔ وزیر اعلیٰ سندھ نےکہا کہ عوام تعاون کریں توکوروناکی موجودہ لہربھی کنٹرول ہوجائےگی۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button