پاکستان

کاغذ کی قیمتوں میں 100 فیصد اضافہ تعلیمی شعبے میں نیا بحران پیدا ہونے کا اندیشہ

لاہور( این این آئی)کاغذ کی قیمتوں میں 100 فیصد اضافے کے بعد تعلیمی شعبے میں نیا بحران پیدا ہونے کا اندیشہ ہے۔بتایاگیا ہے کہ کاغذ کی قیمتوں میں 100 فیصد اضافے کے بعد

پبلشرز کے لیے نئی کتابیں چھاپنا ممکن نہیں رہا ہے جس کے باعث دینی اور عصری تعلیمی شعبے میں نیا بحران پیدا ہونے کا اندیشہ پیدا ہوگیا ہے۔

کاغذ کے کاروبار سے وابستہ تاجروں کا کہنا ہے کہ گزشتہ چند ماہ کے دوران پیپر ملوں نے چار بار کاغذ کی قیمتوں میں اضافے کیا ہے

جس کے بعد اس دوران کاغذ کی قیمت 105 سے بڑھ کر 210 روپے فی کلو ہوچکی ہے۔پبلشرز نے فیصلہ کیا ہے کہ لوکل کاغذ پر قرآن پاک اور قرآنی قاعدے نہیں چھاپے جائیں گے۔

مزید بتایا گیاہے کہ کاغذ کی قیمت بڑھنے سے ٹیکسٹ بورڈ کے ٹینڈر اٹھانے والے بھی پریشان ہیں کیونکہ پبلشرز نے 190 روپے کلو کے حساب سے ٹینڈر لیا تھا

جبکہ اب کاغذ کی قیمت 210 روپے کلو ہو گئی ہے ۔والدین کا کہنا ہے بچوںکی کاپیاں اور رجسٹرڈ جو پہلے 1000سے1500روپے میں آجاتے تھے اب وہ 3000تک پہنچ چکے ہیں ۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button