ٹک ٹاکر کنول آفتاب کو شادی پر کتنے لاکھ روپے سلامی ملی؟ خود ہی بتا دیا
معروف ٹک ٹاکر ذوالقرنین سے رشتہ ازدواج میں منسلک ہونے والی ٹک ٹاکر کنول آفتاب نے بارات میں ملنے والی سلامی سے متعلق گفتگو کی ہے۔سوشل میڈیا پلیٹ فارم انسٹاگرام پر کنول اور ذوالقرنین کی ولیمے سے لی گئی ایک ویڈیو وائرل ہو رہی ہے جس میں دلہا دلہن کو اپنی سلامی سے متعلق بات کرتے دیکھا جا سکتا ہے۔
ولیمے کی تقریب میں صحافی کے بارات کی سلامی سے متعلق پوچھے گئے سوال پر ذوالقرنین کا کہنا تھا کہ میری سلامی میرے والد صاحب نے لے لی تھی۔ٹک ٹاکر کا کہنا تھا کہ میرے پاس جتنی بھی سلامی آئی میرے والد نے فوری طور مجھ سے زبردستی لے لی تھی اور میں نے وہ سلامی انہیں دے بھی دی کیوں کہ والد کا حکم ماننا پڑتا ہے۔جب یہی سوال ٹک ٹاکر کی اہلیہ سے پوچھا گیا تو ان کا کہنا تھا کہ میں نے اپنی سلامی ذوالقرنین سے چھپا کر دراز میں رکھ دی ہے جو کہ اب تک گنی ہی نہیں لیکن مجھے اندازہ ہے کہ میری سلامی الحمد اللہ 10 سے 15 لاکھ روپے ہوگئی ہے۔کنول نے اپنے پیغام میں والد کے دوستوں سے شکوہ بھی کیا کہ انہوں نے ذوالقرنین کو 40، 50 ہزار دیے، اگر وہ مجھے بھی 2 ہزار دے دیتے تو مجھے اچھا لگتا۔
