دلچسپ و عجیب

بکریاں کھیت میں داخل کیوں ہوئیں؟ زمیندار نے حافظ قرآن بچے کو پھانسی دیدی

علی پور(آئی این پی) صوبہ پنجاب کے ضلع مظفر گڑھ میں رونما ہونے والے انسانیت سوز واقعے نے ہر آنکھ کو اشکبار کردیا ہے۔نجی ٹی وی کے مطابق ضلع مظفر گڑھ کی تحصیل علی پور کے علاقے موضع جگمل میں بااثر وڈیرے نے کھیتوں میں بکریاں داخل ہونے کی پاداشمیں حافظ قرآن چرواہا کو پھانسی دے دی۔رپورٹ کے مطابق چرہاوے محسن پر وڈیرے فیاض غزلانی نے بہیمانہ تشدد کیا جس سے حافظ قرآن بچے کی موت واقع ہوگئی، ظالم وڈیرے نے واقعے کو خودکشی کا رنگ دینے لئے لاش کو درخت پر لٹکانے کی بھونڈی کوشش کی۔اندوہناک واقعے پر لواحقین

سراپا احتجاج ہوئے انہوں نے الزام عائد کیا کہ محسن حافظ قرآن تھا اور روزے کی حالت میں تھا،جسے ظالم وڈیرے نے انسانیت سوزتشدد کرکے جان سے ماردیا، واقعے کے بعد ہم نے پولیس کو متعدد بار اطلاع دی، مگر پولیس بااثر وڈیرے کے خلاف کارروائی کیلئے نہیں آئی۔متاثرہ علاقے میں بڑے پیمانے پر احتجاج شروع ہوا تو لوگ مشتعل ہوگئے اور انہوں نے وڈیرے فیاض غزلانی کے گھر پر حملہ کرتے ہوئے اسے زدوکوب کیا اور اپنی تحویل میں لیکر خود پولیس اسٹیشن پہنچ گئے اور گرفتار کرایا۔ادھر علی پور پولیس نے جاں بحق چرواہے کی پوسٹ مارٹم رپورٹ حاصل کرنے کے لئے متعلقہ اسپتال سے رابطہ کرلیا ہے،پوسٹ مارٹم رپورٹ کی روشنی میں ملزمان کے خلاف مزید کارروائی کو آگے بڑھایا جائے گا۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button