پاکستان

الیکشن کمیشن آف پاکستان کا فیصلہ میرے لیے کوئی نیا فیصلہ نہیں ‘سردار عثمان بزدار کا بڑا اعلان

احمد پور سیال(این این آئی ) سابق وزیر اعلیٰ پنجاب سردار عثمان بزدار کے سابق مشیر نواب فیصل حیات جبوآنہ نے میڈیا سے گفتگو کرتے ہوئے کہا ہے کہ الیکشن کمیشن آف پاکستان کا فیصلہ میرے لیے کوئی نیا فیصلہ نہیں ہے میں پہلے ہی اپنے

حلقہ کے لوگوں کی فلاح وبہبود کے لیے ایم پی اے شپ کی قربانی دے چکا ہوں۔جو شخص چار سال حلقے میں رہا ہو اسے الیکشن سے ڈرنے کی کیا ضرورت ہے ۔الیکشن کل ہویاپرسوں جب بھی الیکن ہو نہ صرف میں بلکہ میرا پورا گروپ الیکشن کے لیے تیار ہے ۔مجھے اقتدار کی بجائے عوامی مفادات زیادہ عزیز ہیں ۔میں اور میرا پورا گروپ پراعتماد ہیں ۔ اپنے حلقہ کے عوام کے سامنے شرمندہ نہیں ہیں کیونکہ ہم نے کوئی ایسا وعدہ نہیں کیا جو ایفا نہ ہوا ہو۔ عوامی خدمت کے لیے میرے دروازے ہر وقت کھلے ہیں ۔میں نے اپنا سیل نمبرفیس بک کی زینت بنا دیا ہے تاکہ ہر خاص وعام آسانی سے مجھ تک رسائی کرسکے اور انشاء اللہ ،اللہ تعالیٰ کے فضل وکرم سے اور اپنے لوگوں اور والدین کی دعائوں کے صدقے الیکشن جیتیں گے ۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button