تازہ ترینانٹرنیشنل خبریں

مجلسِ پاکستان کے زیر اہتمام امیر جماعت اسلامی کراچی حافظ نعیم الرحمان کے اعزاز میں تقریب

سعودی عرب میں مجلس پاکستان کے زیر اہتمام امیر جماعت اسلامی کراچی حافظ نعیم الرحمان کے اعزاز میں تقریب منعقد کی گئی جس میں سیاسی سماجی اور مذہبی جماعتوں کے سینکڑوں افراد شریک ہوئے.

تقریب کے شرکاء سے خطاب مرتے ہوئے حافظ نعیم الرحمان کا کہنا تھا کہ موجودہ سیاسی حالات انتہائی سنگین صورتحال اختیار کرچکے ہیں اور جمہوریت کے نام پر سودے بازی ہو رہی ہے.

سعودی دارالحکومت ریاض میں مجلس پاکستان کے زیر اہتمام تقریب کے شرکاء سے خطاب کرتے ہوئے امیر جماعت اسلامی کراچی حافظ نعیم الرحمان نے خطاب کرتے ہوئے کہا کہ ہمارا معاشرہ تباہ ہوچکا ہے اور بے راہ روی کا شکار ہوچکا ہے جس کو درست کرنے کے لئے ضروری ہے کہ اسلامی اصولوں کو اپنایا جائے اس ضمن میں تمام سیاسی اور مذہبی جماعتوں کو کردار ادا کرنے کی ضرورت ہے. حافظ نعیم الرحمان کا کہنا تھا کہ پاکستان میں جمہوریت کا تسلسل قائم رکھنے کے لئے ضروری ہے کہ حکومتوں کو مدت پوری کرنے دی جائے مگر موجودہ حالات میں حکومت اور اپوزیشن غیر جمہوری رویہ اپنائے ہوئے ہیں اور ٹکراو کی سیاست سے ملک و قوم کا کوئی فاہدہ نہیں ہوگا قوم کو تقسیم کیا جا رہا ہے جس کے خطرناک نتائج برآمد ہونگے اس لئے جمہوری اقدار کے مطابق آگے بڑھا جائے.

امیر جماعت اسلامی کراچی نے کہا کہ جمہوریت کا حسن کسی نے دیکھنا ہو تو دارالحکومت ریاض میں سیاسی جماعتوں کے ارکان سے سیکھا جا سکتا ہے جو سبھی جگہ بیٹھ کر اختلاف رائے سنتے بھی ہیں اور کرتے بھی ہیں مگر کبھی ٹکراو کی طرف نہیں بڑھے پاکستان میں بھی ایسی ہی فضا کو فروغ دینے کی ضرورت ہے. تقریب سے مجلس پاکستان کے صدر رانا عبدالروف, جنرل سیکرٹری حافظ عبدالوحید, عبدالمنان, رانا عمرفاروق نے بھی اظہار خیال کیا.

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button