پاکستان

انصاف؟ عدلیہ؟ قانون نافذ کرنے والے؟ کہا ں ہیں؟ کوئی اس ملک کو بچائے گا یا اسے ڈوبتے ہوئے دیکھتے رہیں گے، علی زیدی

کراچی(این این آئی)پاکستان تحریک انصاف سندھ کے صدراور سابق وفاقی وزیرعلی حیدر زیدی نے کہاہے کہ پنجاب حکومت کو کسی بھی ردعمل یا قانون کا خوف نہیں ہے۔سماجی رابطے کی ویب سائٹ ٹوئٹر پر اپنے پیغام میں علی زیدی نے کہا کہ طاقت کا بے دریغ استعمال کی یہ ایک بدترین مثال ہے،

پنجاب حکومت کو کسی بھی ردعمل یا قانون کا خوف نہیں۔انہوں نے کہا کہ انصاف؟ عدلیہ؟ قانون نافذ کرنے والے؟ کہا ں ہیں؟ کوئی اس ملک کو بچائے گا یا اسے ڈوبتے ہوئے دیکھتے رہیں گے۔پی ٹی آئی رہنمانے کہاکہ بلومبرگ کے مطابق پاکستان ڈیفالٹ ہونے والے سرفہرست ممالک میں شامل ہے، یہ ایک ایسا بحران ہے جس کا ہم نے پہلے کبھی سامنا نہیں کیا۔علی زیدی نے کہا کہ منی لانڈرنگ اور مجرموں کی حکومت ہمیں اس دلدل سے نہیں نکال سکتی، جو لوگ معاملات کی قیادت کررہے ہیں انہیں جاگنے کی ضرورت ہے اس سے پہلے کہ بہت دیر ہوجائے۔دوسری جانب بق گورنر سندھ عمران اسماعیل نے کہاہے کہ پیٹرول کی قیمت سے عوام کی ٹوٹی کمر پر اب بجلی بم گرادیا گیا ہے،عمران خان کے دور میں تنقید کے نشتر چلانے والے آج فوائد بتارہے ہیں ۔سماجی رابطے کی ویب سائٹ ٹوئٹر پر اپنے پیغام میں عمران اسماعیل نے کہا کہ امپورٹڈ حکومت کی جانب سے بجلی مہنگی کرنے کا فیصلہ مسترد کرتے ہیں۔انہوں نے کہاکہ پیٹرول کی قیمت سے عوام کی ٹوٹی کمر پر اب بجلی بم گرادیا گیا ہے، ظالمانہ فیصلہ عوام سے اربوں روپے بٹورنے کا پلان ہے۔

قبل ازیںتحریک انصاف کراچی کے صدر پارلیمانی لیڈر سندھ اسمبلی خرم شیر زمان نے کہا ہے کہ وزیراعظم نے مہنگا تیل خرید کر عوام پر مہنگائی کا بوجھ ڈالا۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ میں خرم شیر زمان نے لکھا کہ بھارت نے پچھلے تین مہینوں میں روس سے سستا تیل خریدا۔

خرم شیر زمان نے کہاکہ لیکن یہاں بیٹھے کرائم منسٹر نے مہنگا تیل خرید کر عوام پر مہنگائی کا بوجھ ڈالا۔انہوں نے مزید کہا کہ ایسی مثال دنیا بھر میں آپ کو نہیں ملے گی۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button