پاکستان

35 سال سے اراضی کیس کا فیصلہ نہ ہونے پر خاتون نے خود کو بھارت بھجوانے کا مطالبہ کردیا

لاہور( این این آئی)لاہورہائیکورٹ میں 35 سال سے اراضی کیس کا فیصلہ نہ ہونے پر خاتون نے بھارت بھجوانے کا مطالبہ کردیا۔

چیف جسٹس لاہور ہائیکورٹ جسٹس محمد امیر بھٹی نے نے سیدہ شہناز کی درخواست پر سماعت کی۔عدالت میں درخواست گزار خاتون سیدہ شہباز نے موقف اختیار کیا کہ 35 سال سے اراضی کے کیس کا فیصلہ نہیں ہوسکا ہے،عدالت سے استدعا ہے کہ مجھے فوری بھارت بھجوادیا جائے۔خاتون نے بتایا کہ 9 سال کی تھی جب یہ کیس شروع ہوا اور آج 45 سال کی ہوچکی ہوں لیکن آج تک انصاف نہیں ملا۔بااثرافراد 5 مرلہ زمین پر قابض ہیں اورشیخوپورہ میں کرائے کے مکان میں رہتی ہوں۔اگر لاہورہائیکورٹ بہاولپوربنچ میں زمین کے کیس کے لیے گئی تو جان سے ماردیا جائے گا۔چیف جسٹس لاہورہائیکورٹ جسٹس محمد امیر بھٹی نے ریمارکس دئیے کہ آپ کو بھارت بھجوانے کا اختیار میرے پاس نہیں اور میں کسی ادارے کو بھارت کا ویزہ جاری کرنے کا حکم نہیں دے سکتا۔متاثرہ خاتون نے مزید استدعا کی کہ لاہور ہائیکورٹ بہاولپور بنچ سے 5 مرلے اراضی کے کیس پرنسپل سیٹ لاہور ہائیکورٹ پرمنتقل کردیا جائے۔عدالت نے کیس منتقلی کی درخواست پر فریقین سے جواب طلب کرلیا۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button